Ae Dil Hai Muskil Full Film Story

Love tedha hai. Lekin uss tedhe love me bhi sukun pana, sirf kuch logo ko aata hai.

Kisi ne sach he kaha tha ki ek ladka or ek ladki kabhi dost nahi ho sakte or yahi saabit ki gyi hai iss Film me. To aaiye iss film ki puri story padhte hai.

Film market ke scene se suru hota haijanha Anushka apne shopping kar rahi hoti hai or piche Ranbir uska sara samaan apne haath, muh, pair, kaan or sir saare jgh par liye pichhe-pichhe chal raha hai. Fir vo dono ghar pahuch jaate hai. Anushka bolti hai ki tum ruko mai dress pehan kar dikhati hu. Fir Anushka jaise he dress change kar ke aati hai vo dekhti hai ki Ranbir bhi Anushka ka dress pehan kar khara hai or Anushka ki nakal kar raha hai.

Khair ye story mai lamba nahi bnaaunga Q ki bahut saare readers ne bola hai ki pichli film story bahut lambi ho gyi thi.

Ranbir or Anushka ki dosti kuch aise he thi majedaar si. Dono he ek dusre ke saath frank the, lekin thi bas dosti he. Ranbir ko na chahte hue bhi Anushka se pyaar ho gaya tha lekin vo ye baat vo usse bata nahi sakta tha.

Ranbir ko gaana gaane ka kaafi jada sauk tha or vo har jgah concert me bhi gaane jaya karta tha. To ek din vo concert ke silsile me he New York jaa rha tha to plane me uske bagal me Aishwarya  baithi hui thi. Aishwarya ek he nazar me Ranbir par fida ho gayi thi but Ranbir to abhi bhi Anushka ke yaado me khoya hua tha. Un dono ki kaafi baat hui plane me, kaafi gehri baate bhi ho gayi thi. Fir jab vo log Airport par utarte hai tab Aishwarya usse apna card deti hai or bolti hai kabhi agar India me aao to call karna. Ranbir vo card pocket me daal kar wnha se nikal jata hai. Fir agle dinconcert me Ranbir or Aishwarya ka milan ho jata hai or concert ke baad daaru ke nashe me dono me physical relation bhi ban jata hai.

Fir Ranbir India aa jata hai or uss card ko dekhta hai jo Aishwarya ne diya tha or fir usse vo raat yaad aa jati hai jab usne Aishwarya ke sath physical hua tha or Ranbir uss card ko room me knhi fek deta hai.

Fir Ranbir or Anushka sath me ghumne nikalte hai or tabhi achanak se Ranbir ko Anushka ke haat par kuch dikhta hai.

Ranbir:- Ye kya hai?

Anushka:- Tattoo hai.

Ranbir:- Pichle hapte tak to nahi tha.

Anushka:- Ha filhal me he karwaai.

Ranbir:- Or ispe kiska naam likha hua hai.

Anushka:- Meri barbaadi ka.

Ranbir:- Matlab?