MS Dhoni The Untold Story Full Movie Review

M.S Dhoni 
The Untold Story

Dhoniiii....Dhoniii....Dhoniii... kuch aise awaaze har sins me sunai de rahi thi. Jab bhi Dhoni ka koi sins aa raha tha pura crowd Dhonii..Dhonii kar ke theater ke awaaz ko niche dba de rahe the. To fr chaliye aate hai iss film pe.

Kahaani suru hoti hai 2011 ki hui World Cup se or jab Dhoni batting ke liye utrne waale hote hai tab kahaani 7 July, 1981 me chali jaati hai jiss din Dhoni ka janam hua tha. Iss film me dikhaya gaya hai ki M.S Dhoni ke pita Paan Singh Dhoni ek pump operator the or vo nahi chaahte the ki unka beta bhi aisa bane iss liye vo usse pdhaai par dheyaan dene ko force karte the.

Film me diikhaya gaya hai ki Dhoni bachpan se he khel kud me kaafi aage rha hai. Bachpan me vo School Football Team ka goalkeeper  tha lekin uske sports teacher ke kehne or thora mnaane par vo Cricket team me saamil hone ko maan gaya. Uske sports teacher chahte the ki vo sirf wicket keeping par dheyaan de lekin Dhoni starting se hee chori chhupe batting practice kar liya karta tha.

Dhoni ke aage badhne me uske pure family or uske 3 Dost se kaafi jada  sahyog mila tha. Iss film me Yuraaj Singh ko bhi kaafi aeham dikhaya gaya hai isme ye bhi dikhaya gaya hai ki Yuraj Singh kaise pehle select ho gay the Dhoni se jabki selecting match dono ne sath me hee khele the.

Film me dikhae anusaar Dhoni ko Railway Sport Quota se job ka call aata hai or Dhoni uss me 3 saal tak kaam bhi karta hai lekin uss kaam ke karan uska Cricket career pichhe chhut jaane ke kaaran Dhoni uss kaam ko chhor kar bhaag aata hai. Uske baad vo fir trial dene jata hai or iss baar uska selection ho jata hai. Issi bich usse usko Priyanka naam ki ladki se pyaar ho jata hai or fr baad me ek car accident me Priyanka ka death ho jata hai jisse Dhoni sadme me chala jata hai or uski Cricket form bigad jati hai.

Fir baad me kisi Hotel me usse Saakshi jo ki Dhoni ki real life ki Wife hai vo milti hai fr undono me pyaar ho jata hai or Dhoni usse Shadi karne ko propose bhi karta hai or fir dono ki shadi ho jaati hai.

Ye sab hone ke baad kahaani fir 2011 me aa jati hai jab Dhoni batting karne jaa raha tha or pitch par jaate hee vo 4 or 6 lagana start kar diya or baaki ki puri kasar Yuraj Singh ne puri kar daali. Antim 2 balls me 4 run chaiye the jo ki Dhoni ne bas 1 ball me 6 maar ke match jita diya or iss trah 2011 ka world cup hum India jeet gaye.

Ab aate film ke performance par. Film me sabhi ne apna-apna role kaafi achhi trah nibhaya hai. Film thori lambi lag sakti hai aapko, or lambi hone ke kaaran kanhi kanhi aap halka sa ekdum halka sa bore feel honge lekin iski khaas baat ye hai ki aap jaise he bore feel honge iss film me kuch aisa dekhne mil jaaega jisse aapki saari boriyat chali jaaegi. 

Film ke direction par bhi kaafi jada dheyan diya gya hai, har chhote bade detail ko achhe se dikhaya gaya hai.

Film ke saare gaane bhi interesting hai. 

Star as per Story Fever view-
Song - 4/5
Acting - 4/5
Directing - 3.5/5
Full Movie - 3.5/5

Film or M.S Dhoni ke lokpriyeta ko dekhte hue ye kehna bura nahi hoga Shushant Singh Rajpoot ki ye pehli film hogi jo 100 core club me saamil hogi. Aasar ye bhi hai ki ye film 200 crore ka aakra paar kar jaaegi.

To iss film ke baare me bas itna hee. Hamaare sath bane rahne ke liye bahut bahut sukriya. Aasha karta hu ki aapko ye review achha laga hoga. Aap apna raay comment box me likh sakta hai. Aap hame FACEBOOK par like bhi kar sakte hai.
MS Dhoni The Untold Story Full Movie Review MS Dhoni The Untold Story Full Movie Review Reviewed by Amit Kumar on 9/30/2016 10:32:00 pm Rating: 5

No comments:

Powered by Blogger.